‘టిల్లు క్యూబ్’లో తెలుగు హీరోయిన్? సిద్ధూ జొన్నలగడ్డ హీరోగా ‘టిల్లు’ సిరీస్‌లో వచ్చిన రెండు సినిమాలు సూపర్ హిట్‌గా నిలిచాయి. దీంతో తర్వాతి మూవీ ‘టిల్లూ క్యూబ్’పై భారీ అంచనాలు నెలకొన్నాయి. ఈ సినిమాలో ‘ట్యాక్సీవాలా’ బ్యూటీ ప్రియాంకా జవాల్కర్‌ను హీరోయిన్‌గా ఎంపిక చేసే ఆలోచనలో మూవీ టీమ్ పడిందట. ఈ బ్యూటీని ‘టిల్లు క్యూబ్’ లో లీడ్ హీరోయిన్ గా తీసుకునేందుకు ప్ర‌య‌త్నాలు జ‌రుగుతున్నాయట. ఒక‌వేళ ఇదే నిజ‌మైతే, అమ్మ‌డికి ఇది గోల్డెన్ ఛాన్స్ అని చెప్పాలి. ఈ సినిమాతో తిరిగి త‌న కెరీర్ ను ట్రాక్ ఎక్కించే అవ‌కాశం దొరుకుతుంది. ఇక ఈ సినిమాను సితార ఎంట‌ర్టైన్మెంట్స్ బ్యాన‌ర్ ప్రొడ్యూస్ చేయ‌నుంది. దీనికి సంబంధించిన అఫీషియ‌ల్ అనౌన్స్ మెంట్ త్వ‌రలో వ‌చ్చే అవ‌కాశం ఉంది. ‘టిల్లూ స్క్వేర్’లో ఈ అమ్మడు చిన్న రోల్ చేసిన సంగతి తెలిసిందే. దీంతో ప్రియాంకకే మూవీ యూనిట్ ఓట్ వేస్తుందా లేదా అనేది క్లారిటీ రావాల్సి ఉంది.
మరిన్ని సమాచారాల కోసం తెలుగు రీడర్స్ సినిమా ను సందర్శించండి.
