81
నల్ల కారం పొడి రెసిపీకి కావాల్సిన పదార్థాలు:
- ధనియాలు – అరకప్పు
- పొట్టు తీయని మినుములు – రెండున్నర స్పూన్లు
- జీలకర్ర – ఒక స్పూను
- శెనగపప్పు – ఒక స్పూను
- కరివేపాకులు – ఒక కప్పు
- ఎండు మిర్చి – తొమ్మిది
- వెల్లుల్లి రెబ్బలు – అయిదు
- ఉప్పు – రుచికి సరిపడా
- నూనె – మూడు స్పూన్లు
- నెయ్యి – ఒక స్పూను
- చింత పండు – చిన్న నిమ్మకాయ సైజులో
నల్లకారం పొడి రెసిపీ:
- స్టవ్ మీద పాన్ పెట్టి అర స్పూను నూనె వేయాలి. అందులో జీలకర్ర వేసి వేయించాలి. వాటిని తీసి పక్కన పెట్టుకోవాలి.
- అదే పాన్ లో అరస్పూను నూనె వేయాలి. అందులో శెనగపప్పు, నల్ల మినుములు వేసి వేయించాలి. అలాగే ఎండు మిర్చి కూడా వేసి వేయించాలి.
- అందులోనే ధనియాలు వేసి వేయించుకోవాలి.
- చివరలో కరివేపాకులు వేసి రంగు మారే వరకు వేయించుకోవాలి.
- అన్నీ చల్లారాక వాటిని మిక్సీలో వేయాలి. చింతపండు, వెల్లుల్లి రెబ్బలు, రుచికి సరిపడా ఉప్పును వేసి పొడిలా చేసుకోవాలి.
- ఇప్పుడు స్టవ్ మీద పాన్ పెట్టి నెయ్యి వేయాలి. మంట చిన్నగా పెట్టాలి.
- ఆ నెయ్యిలో మిక్సీలో ఉన్నా పొడిని వేసి ఒక నిమిషం పాటూ వేయించాలి. స్టవ్ ఆఫ్ చేయాలి
- తరువాత ఒక ప్లేటులో ఆ పొడిని వేసి చల్లార్చాలి.
- ఈ పొడిని ఒక డబ్బాలో వేసి మూత పెట్టి దాచుకోవాలి. ఇది కొన్ని నెలల పాటూ నిల్వ ఉంటుంది.
ఈ పొడి నుంచి నెయ్యి వాసన వస్తుంది. ఇది చాలా రుచిగా ఉంటుంది. వేడి వేడి ఇడ్లీ పై నల్లకారంపొడి వేసుకుని తింటే ఎంతో టేస్టీగా ఉంటుంది. దోసెలపై కూడా ఈ పొడిని వేసుకుని తింటే బావుంటుంది. నల్లకారం పొడితో చట్నీ లేకుండా ఇడ్లీని తినేయచ్చు.
ఇలాంటి మరిన్ని వాటి కొరకుతెలుగురీడర్స్ వంటలును సందర్శించండి.
