ఎక్కడ ఎక్కడ ఉందో తారకా సాంగ్ లిరిక్స్ – మురారి

ఎక్కడ ఎక్కడ ఎక్కడ ఉందో తారకా
నాలో ఉక్కిరి బిక్కిరి ఊహలు రేపే గోపికా
తుంటరి తుంటరి తుంటరి చూపులు చాలికా
ఓహో అల్లరి అల్లరి అల్లరి ఆశలు రేపకా

నా కోసమే తలుక్కన్నదో
నా పేరునే పిలుస్తున్నదో
పూవానగా కురుస్తున్నదీ
నా చూపులో మెరుస్తున్నదీ

ఏ ఊరే అందమా ఆచూకీ అందుమా
కవ్వించే చంద్రమా దోబూచీ చాలమ్మా

ఎక్కడ ఎక్కడ ఎక్కడ ఉందో తారకా
ఓహో అల్లరి అల్లరి అల్లరి ఆశలు రేపకా

కులుకులో ఆ మెలికలు మేఘాలలో మెరుపులూ
పలుకులో ఆ పెదవులు మన తెలుగు రాచిలకలూ

పదునులో ఆ చూపులు చురుకైన చురకత్తులూ
పరుగులో ఆ అడుగులు గోదారిలో వరదలూ

నా గుండెలో.. అదో మాదిరీ
నింపెయ్యకే.. సుధా మాధురీ
నా కళ్లలో.. కలల పందిరీ
అల్లేయకోయి మహా పోకిరీ

మబ్బుల్లో దాగుందీ తనవైపే లాగింది
సిగ్గల్లే తాకిందీ బుగ్గల్లో పాకిందీ

ఓహో తుంటరి తుంటరి తుంటరి చూపులు చాలికా

ఎవ్వరూ నన్నడగరే అతగాడి రూపేంటనీ
అడిగితే చూపించనా నిలువెత్తు చిరునవ్వునీ

మెరుపునీ తొలి చినుకుని కలగలిపి చూడాలని
ఎవరికీ అనిపించినా చూడొచ్చు నా చెలియనీ

ఎన్నాళిలా తనొస్తాడనీ చూడలట ప్రతీ దారినీ
ఏ తోటలో తనుందోననీ ఎటూ పంపనూ నా మనసునీ

ఏనాడు ఒంటరిగా కంగారే ఎరుగనుగా
ఔనన్నా కాదన్నా గుండెలకూ కుదురుందా

తుంటరి తుంటరి తుంటరి చూపులు చాలికా
ఓహో అల్లరి అల్లరి అల్లరి ఆశలు రేపకా

ఎక్కడ ఎక్కడ ఎక్కడ ఉందో తారకా
నాలో ఉక్కిరి బిక్కిరి ఊహలు రేపే గోపికా

పూవానగా కురుస్తున్నదీ
నా చూపులో మెరుస్తున్నదీ
నా కోసమే తలుక్కన్నదో
నా పేరునే పిలుస్తున్నదో

కవ్వించే చంద్రమా దోబూచీ చాలమ్మా
ఏ ఊరే అందమా ఆచూకీ అందుమా

అక్కడ అక్కడ అక్కడ ఉందా తారకా
అదిగో తెల్లని మబ్బుల మధ్యన దాగి దాగకా

చిత్రం: మురారి
గాయకులు: S.P.చరణ్, హరిణి
సాహిత్యం: సిరివెన్నెల సీతారామ శాస్త్రి
సంగీతం: మణిశర్మ
దర్శకత్వం: కృష్ణ వంశీ
తారాగణం: మహేష్ బాబు, సోనాలి బింద్రే తదితరులు

మరిన్ని పాటల లిరిక్స్ కోసం తెలుగు రీడర్స్ లిరిక్స్ ను సందర్శించండి.