Ant and crow moral story:
ఒకానొక అడవిలో ఒక పెద్ద చెట్టు ఉండేది. ఆ చెట్టు కొమ్మ మీద ఒక కాకి, అదే చెట్టు తొర్రలో ఒక చీమ నివసిస్తూ ఉండేవి. ఈ రెండింటి స్వభావాలు పూర్తిగా భిన్నమైనవి. కాకిది చాలా దూకుడు స్వభావం, కానీ చీమ మాత్రం చాలా నెమ్మదస్తురాలు మరియు ఏదైనా విషయం గురించి చాలా లోతుగా ఆలోచించి నిర్ణయం తీసుకునేది. ప్రతిరోజూ ఉదయాన్నే లేచి అవి ఆహార వేటలో ఉండేవి. చీమ ఎప్పుడూ నెమ్మదిగా నేల మీద పాకుతూ ఆహారాన్ని సేకరించి, తనకు కావలసినంత తిని, మిగిలిన భాగాన్ని తన నివాసంలో భవిష్యత్తు కోసం దాచిపెట్టుకునేది. అయితే కాకి మాత్రం హాయిగా గాలిలో ఎగురుతూ, పాటలు పాడుకుంటూ తిరిగేది. అది కష్టపడి ఆహారాన్ని సేకరించకుండా, రైతుల పొలాల్లో దొంగతనంగా తిని, వారిని ఆటపట్టిస్తూ కాలక్షేపం చేసేది.
ఒకరోజు చీమకు తన దేహం కంటే పెద్దదైన ఒక ఆహారపు గింజ కనిపించింది. దాన్ని తన నివాసానికి ఎంతో కష్టపడి లాక్కెళుతున్న చీమను చూసి కాకి పకపకా నవ్వి ఎగతాళి చేసింది. “నీ ఆకలి ఎంత? నువ్వు పడే శ్రమ ఎంత? ఎందుకు ఎప్పుడూ ఇలా ఆహారాన్ని మోస్తూ కష్టపడతావు? నాలాగా హాయిగా ఎగురుతూ, పాడుకుంటూ ఆనందించవచ్చు కదా” అని కాకి చీమను ప్రశ్నించింది. చీమ కోపగించుకోకుండా, దానికి ఎటువంటి సమాధానం చెప్పకుండా తన పని తాను చేసుకుంటూ వెళ్ళిపోయింది.
కొన్నాళ్ల తర్వాత పంట కోతలు పూర్తయ్యాయి, అడవిలో భారీ వర్షాలు మొదలయ్యాయి. అడవి అంతా వర్షంతో ముద్ద ముద్ద అయిపోవడంతో, గూడు పాడైపోయి కాకికి ఉండటానికి ఇల్లు, తినడానికి తిండి లేకుండా పోయింది. ఆకలితో, చలితో అలమటించిన కాకి చివరకు చీమ ఇంటికి వెళ్లి, “మిత్రమా, నేను వర్షంలో తడిసిపోతున్నాను, ఆకలితో చనిపోయేలా ఉన్నాను, నీ ఆహారంలో కొంచెం నాకు పెట్టి నీ ఇంట్లో చోటు ఇవ్వు” అని బతిమాలింది. అప్పుడు చీమ నవ్వి, “వర్షాలు వస్తాయని తెలిసే నేను ముందుజాగ్రత్తగా ఆహారాన్ని దాచుకున్నాను, అందుకే ఇప్పుడు వెచ్చగా హాయిగా ఉన్నాను” అని సమాధానం ఇచ్చింది. ఈ అనుభవం ద్వారా కాకి తన తప్పును తెలుసుకుంది. ఈ కథలోని ముఖ్యమైన నీతి ఏమిటంటే, జీవితంలో ముందుచూపు చాలా అవసరం (Foresight is essential).
See Also plz click on this: ant-and-grasshopper-moral-story
మరిన్ని ఇటువంటి కథల కోసం తెలుగు రీడర్స్ నీతి కథలు ను చూడండి.
