మొలతాడు లేనోడు మొనగాడు కాదబ్బా!
మన భారతీయ సంప్రదాయంలో మొలతాడు అనేది కేవలం ఒక తాడు కాదు, అది మగవాడి శరీరంలో ఒక భాగంగా మారిపోయింది. అసలు “మొలతాడు లేని మగవాడు ఉండడు, మొలతాడు కట్టినవాడే మొనగాడు” అని ఊర్లలో సరదాగా అంటూ ఉంటారు. పుట్టినప్పుడు ఆడ, మగ తేడా లేకుండా అందరికీ మొలతాడు కడతారు కానీ, ఆడపిల్లలకు ఐదేళ్లు వచ్చేసరికి తీసేస్తారు. మగపిల్లాడికి మాత్రం అది జీవితాంతం తోడుండాల్సిందే. శాస్త్రం ప్రకారం మొలతాడు లేని పురుషుడిని “మొండి మొల” వాడు అంటారు, ఇది అస్సలు మంచిది కాదట. పాత మొలతాడు మార్చాల్సి వస్తే, కొత్తది కట్టిన తర్వాతే పాతది తీసేయాలి తప్ప, ఒక్క క్షణం కూడా మొలతాడు లేకుండా ఉండకూడదని మన పెద్దలు గట్టిగా చెబుతుంటారు. పూర్వ కాలంలో అయితే మొలతాడు లేని పురుషులను చూసి వారి భార్య బతికే ఉందా అని వెటకారంగా అడిగేవారట, అంటే అంత ప్రాముఖ్యత ఉందన్నమాట.
దేవ భాగం.. రాక్షస భాగం.. నడుముకి ఉన్న పవర్ ఇదే!
ఆధ్యాత్మికంగా చూస్తే, మన శరీరాన్ని రెండు భాగాలుగా చూస్తారు. నడుము పైభాగాన్ని ‘దేవ భాగం’ అని, నడుము కింది భాగాన్ని ‘రాక్షస భాగం’ అని పిలుస్తారు. ఈ రెండింటిని వేరు చేస్తూ, శరీరానికి మధ్యలో ఉండే సంగమ స్థానం నడుము, అందుకే అక్కడ మొలతాడు ధరించడం ఒక నియమంలా పెట్టారు. ధర్మ సింధువు వంటి గ్రంథాలలో దీనిని ‘కటిసూత్రం’ అని పిలుస్తారు. “మౌంజీం యజ్ఞోపవీతంచ నవదండంచ ధారయేత్” అనే శ్లోకం ప్రకారం ప్రతి ఏటా జంధ్యంతో పాటు మొలతాడును కూడా కొత్తది ధరించాలని శాస్త్రం చెబుతోంది. మగవారు వారి స్తోమతను బట్టి నలుపు లేదా ఎరుపు రంగు దారంతో పాటు వెండి లేదా బంగారు మొలతాడులను కూడా అలంకరించుకుంటూ ఉంటారు.
దిష్టి తగలకుండా మొలతాడు ఒక కవచంలా..
చిన్న పిల్లలకు దిష్టి తగలకుండా మొలతాడు కట్టడం వెనుక ఒక పెద్ద నమ్మకమే ఉంది. ముఖ్యంగా నల్లటి మొలతాడుకు రంగురంగుల పూసలు లేదా తాయెత్తులు కట్టడం వల్ల దుష్టశక్తులు, నెగిటివ్ ఎనర్జీ దరిచేరవని పెద్దల నమ్మకం. నల్లటి తాడును ధరించడం వల్ల శరీరంలో ఉండే ప్రతికూల శక్తి తొలగిపోయి పాజిటివ్ ఎనర్జీ వస్తుందని ఆధ్యాత్మిక వేత్తలు చెబుతారు. వివాహిత స్త్రీకి మెడలో మంగళసూత్రం ఎంత ముఖ్యమో, మగవారికి మొలతాడు అంత ముఖ్యమని మన సంప్రదాయం చెబుతోంది. కేవలం ఆధ్యాత్మికంగానే కాదు, మొలతాడు ధరించడం వల్ల మగవారిలో ఒక రకమైన ఆత్మవిశ్వాసం, పురుషత్వం ఉట్టిపడుతుందని జనం నమ్ముతారు.
మొలతాడు వెనుక ఉన్న అసలు “సైన్స్” ఇదే!:
మన పెద్దలు ఏదో ఊరికే నడుముకి మొలతాడు కట్టమని చెప్పలేదు, దాని వెనుక మాంచి “సైంటిఫిక్ లాజిక్” ఉందబ్బా. ఇప్పటి కాలంలో మనకు అన్నీ మూఢనమ్మకాల్లా అనిపిస్తాయి కానీ, ఆ రోజుల్లోనే వాళ్ళు మస్తుగా ఆలోచించి దీన్ని పెట్టారు. ముఖ్యంగా చిన్నపిల్లలు పెరుగుతున్న వయసులో నడుముకి మొలతాడు కట్టడం వల్ల వాళ్ళ ఎముకలు, కండరాలు కరెక్ట్ పద్ధతిలో పెరుగుతాయి. శరీరంలో రక్తప్రసరణ కూడా భలేగా సాగుతుంది. ఇక మగపిల్లలకి ఇది చాలా అవసరం; ఎదుగుతున్న వయసులో పురుషాంగం ఎదుగుదల సరిగ్గా ఉండటానికి, ఎటువంటి తేడాలు రాకుండా ఉండటానికి మొలతాడు హెల్ప్ చేస్తుంది.
బానపొట్ట రాకుండా ఆపే “నేచురల్ బెల్టు”:
మొలతాడు అనేది మనకు ఒక నేచురల్ వెయిట్ మెషిన్ లాంటిది. మనం విపరీతంగా తింటుంటే మొలతాడు టైట్ అయిపోయి, “అరే నాయనా.. చాలు ఇక ఆపు, నీ పొట్ట పెరుగుతోంది” అని మనకు సిగ్నల్ ఇస్తుంది. దీనివల్ల బానపొట్ట రాకుండా ఉంటుంది, తిన్నది కూడా భలేగా జీర్ణమవుతుంది. పొట్ట దగ్గర కొవ్వు పేరుకుపోకుండా అడ్డుకోవడంలో దీనికి మించిన వస్తువు లేదు. మనం బెల్టు పెట్టుకుంటే మనకు నచ్చినట్టు వదులు చేసుకోవచ్చు కానీ, మొలతాడు అలా కాదు కదా! అందుకే ఇది మన తిండిని నియంత్రిస్తూ మెటబాలిజంను మెరుగుపరుస్తుంది.
హెర్నియా కష్టాలు.. పాము కాటుకు మందు!
మగవారికి వచ్చే పెద్ద సమస్య ‘హెర్నియా’ రాకుండా మొలతాడు కాపాడుతుందని రీసెర్చ్లో కూడా తేలిందట. మన నడుము భాగంలో ఉండే పేగులు జారిపోకుండా గట్టిగా పట్టి ఉంచడంలో ఈ తాడు మాంచి సపోర్టు ఇస్తుంది. అంతేకాదు, పూర్వ కాలంలో అడవుల్లో తిరిగేటప్పుడు పాము కరిస్తే, వెంటనే మొలతాడు తెంపి ఆ గాయం పైన గట్టిగా కట్టేవారు. అలా ఆ విషం ఒంట్లోకి పాకకుండా ప్రాణాలు కాపాడే ఫస్ట్ ఎయిడ్ కిట్లా ఇది పనికొచ్చేది.
మగవారి హెల్త్ మరియు వెన్నెముక భద్రత:
మగవారిలో బాడీ టెంపరేచర్ పెరిగితే శుక్రకణాలు తగ్గిపోయే ఛాన్స్ ఉంటుంది, నల్లటి మొలతాడు ఆ వేడిని గుంజేసి సంతానోత్పత్తిని మెరుగుపరుస్తుందని నిపుణులు చెబుతున్నారు. ఇక వెన్నెముక విషయానికి వస్తే, మన నడుము భాగానికి ఇది మాంచి సపోర్టు ఇస్తూ లుంబార్ స్పైన్ పోశ్చర్ సరిగ్గా ఉండేలా చూస్తుంది. దీనివల్ల నడుము నొప్పి, డిస్క్ జారడం వంటి సమస్యలు దరిచేరవు. చూశారా.. మనవాళ్లు నడుముకి కట్టే చిన్న తాడులో ఎన్ని హెల్త్ సీక్రెట్స్ దాచారో!
ఏ రంగు మొలతాడు ఎప్పుడు కట్టాలి?
మొలతాడులో కూడా రంగులు, వాటి వెనుక గ్రహాల గోల ఉందండోయ్! పురుషులు తమ అదృష్టం పెరగాలంటే పండితుల సలహా మేరకు కొన్ని రంగులు ధరించాలి. ఉదాహరణకు, ఎర్రటి మొలతాడు కట్టాలనుకుంటే ఆదివారం రోజే కట్టాలట, ఎందుకంటే సూర్యుడికి ఆ రంగు అంటే మస్తు ఇష్టం, ఆయన ఆశీస్సులు మనకు లభిస్తాయి. అలాగే, వెండి మొలతాడు ధరించేవారు సోమవారం రోజు కట్టి శివుడికి పూజ చేస్తే అంతా శుభమే జరుగుతుంది. ఇక నల్లటి మొలతాడు కట్టేటప్పుడు గురువారం రోజు చూసుకోవాలని కొందరు పండితులు చెబుతుంటారు. చాలామంది తమ స్తోమతను బట్టి వెండి లేదా బంగారు మొలతాడులు కూడా చేయించుకుంటారు. అయితే, మన శాస్త్రాల ప్రకారం నడుము కింది భాగం ‘రాక్షస భాగం’ కాబట్టి అక్కడ వెండి వాడటం మేలని, బంగారం వాడకూడదని కూడా ఒక వాదన ఉంది.
మార్చేటప్పుడు ఈ జాగ్రత్తలు పక్కాగా ఉండాలి!
మొలతాడు మార్చడం అంటే ఏదో పాత తాడు తీసి కొత్తది కట్టడం కాదు, దానికి ఒక పద్ధతి ఉంది. పాత మొలతాడు తీసేముందు కచ్చితంగా కొత్తది కట్టాలి, ఆ తర్వాతే పాతదాన్ని తీసేయాలి. ఒక్క క్షణం కూడా మొలతాడు లేకుండా ఉంటే దాన్ని “మొండి మొల” అంటారు, ఇది అస్సలు మంచిది కాదు. ఇక మొలతాడుకు పిన్నీసులు వంటివి తగిలించకూడదని పెద్దలు హెచ్చరిస్తుంటారు. మరీ ముఖ్యంగా, మొలతాడుకు తాయెత్తులు కట్టడం వెనుక ఒక పెద్ద సైన్స్ ఉంది. మన పెద్దలు పిల్లల బొడ్డు తాడును ఎండబెట్టి తాయెత్తులో పెట్టి మొలతాడుకు కట్టేవారు, ఇప్పటి ‘స్టెమ్ సెల్ థెరపీ’ లాగా భవిష్యత్తులో వచ్చే రోగాలకు అది మందులా పనిచేస్తుందని వారి నమ్మకం.
ఆడవాళ్లకు మంగళసూత్రం.. మగవాళ్లకు మొలతాడు!
మన సమాజంలో ఆడవాళ్లకు మెడలో మంగళసూత్రం ఎంత పవిత్రమో, మగవారికి నడుముకు మొలతాడు అంత ముఖ్యమని చెబుతారు. ఆడపిల్లలకు కూడా పుట్టినప్పుడు మొలతాడు కడతారు కానీ, వాళ్లు ఐదేళ్ల ప్రాయానికి రాగానే లేదా రజస్వల అయ్యే సమయానికి దాన్ని తీసేస్తారు. కానీ మగవారికి మాత్రం ఇది మరణించే వరకు శరీరంలో భాగంగానే ఉంటుంది, కేవలం చనిపోయినప్పుడు మాత్రమే మొలతాడును తీసేస్తారట. మొలతాడు లేకపోతే అది అశుభానికి సంకేతంగా భావిస్తారు. అందుకే “మొలతాడు కట్టినవాడే మొనగాడు” అనే సామెత పుట్టింది. అది మగవారి పురుషత్వానికి, క్రమశిక్షణకు ఒక గుర్తులా నిలుస్తుంది.
సంప్రదాయం వెనుక ఉన్న అసలు సత్యం:
చూశారుగా! మనం ఏదో మూఢనమ్మకం అనుకునే చిన్న మొలతాడు వెనుక ఎన్ని ఆరోగ్య రహస్యాలు, ఆధ్యాత్మిక విషయాలు ఉన్నాయో. ఇది కేవలం ఒక దారం మాత్రమే కాదు, మన శరీర ఉష్ణోగ్రతను నియంత్రించే, జీర్ణక్రియను మెరుగుపరిచే మరియు దుష్టశక్తుల నుండి రక్షించే ఒక రక్షణ కవచం. మన పూర్వీకులు ప్రతి ఆచారాన్ని ఎంతో ముందుచూపుతో డిజైన్ చేశారు. అందుకే ఈ కాలంలో బెల్టులు వచ్చినా, ఫ్యాషన్లు మారినా మొలతాడు కట్టుకోవడం మాత్రం ఇంకా కొనసాగుతూనే ఉంది. మన సంస్కృతిని గౌరవిస్తూ, ఈ ఆరోగ్య రహస్యాలను పాటించడం మన బాధ్యత.
మరిన్ని వాటి కోసం తెలుగు రీడర్స్ కల్చర్ ను సందర్శించండి.
