ఎదో ఏదో అయిపోతుంది సాంగ్ లిరిక్స్

ఏదో ఏదో అయిపోతుంది
యెదలో ఏదో మొదలయ్యింది
నిన్నే చూడాలని
నీతో ఉండాలని
నేనే ఓడాలని
నువ్వే గేలవాలని
పదే పదే అనిపిస్తుంది
నీ పిలుపే వినిపిస్తుంది
అది ప్రేమో ఏమో
తెలియని వింత యాతన
అది ప్రేమేనేమో
ఎరుగని కొంటె భావన

కళ్ళేమో కళలు మాని నిన్ను వెతుకుతుంటే
మనసేమో పనులు మాని నిన్ను తలచుకుంటే
కాళ్ళు నీతో కలిసి నడవాలని కలవరపడుతుంటే
చెయ్యి నీతో చెలిమి చెయ్యాలని తొందర పెడుతుంటే
వేరే దారి లేక నా దారే నువ్వయ్యాక
తీరం చేరినాక ఈ కెరటం ఆగలేక
నిన్నే తాకాలని నీతో గడపాలని
ముద్దే ఇవ్వాలని పొద్దే పోవాలని
మనసేమో మానసిచ్చింది

అది ప్రేమో ఏమో
తెలియని వింత యాతన
అది ప్రేమేనేమో
ఎరుగని కొంటె భావన
ఏదో ఏదో అయిపోతుంది
యెదలో ఏదో మొదలయ్యింది

ఆరాటం హద్దు ధాటి మాట చెప్పమంటే
మోమాటం సిగ్గుతోటి పెదవి విప్పనంటే
ఉత్సాహం నిన్నే పొందాలని ఉరకలు వేస్తుంటే
ఉల్లాసం నీకే చెందాలని పరుగులు తీస్తుంటే
ఏమి పాలుపోక సగపాలే నువ్వయ్యాక
ప్రాయం వచ్చినాక పరువం ఆగలేక
నువ్వే కావాలని నిన్నే కలవాలని
మనసే విప్పాలని మాటే చెప్పాలని
ఒళ్ళంతా పులకిస్తుంది తుళ్లింత కలిగిస్తుంది

అది ప్రేమో ఏమో
తెలియని వింత యాతన
అది ప్రేమేనేమో
ఎరుగని కొంటె భావన
ఏదో ఏదో అయిపోతుంది
యెదలో ఏదో హ్మ్ హ్మ్

చిత్రం: నువ్వు లేక నేను లేను
దర్శకుడు: కాశీ విశ్వనాధ్
సంగీతం: R.P. పట్నాయక్
గాయకులూ: ఉష
నటులు: తరుణ్, ఆర్తి అగర్వాల్, శరత్ బాబు, చంద్ర మోహన్ తదితరులు.

మరిన్ని వాటి కోసం తెలుగు రీడర్స్ లిరిక్స్ ను సందర్శించండి.