ఏ కథ ఎటు పరిగెడుతుందో
ఏ అడుగేటు తడబడుతుందో
ఏ మలుపేటుగా నెడుతుందో తెలీదే
ఏ క్షణమెప్పుడేం చేస్తుందో
ఎవరినెలా నిలబెడుతుందో
ఎవరినెలా పడగోడుతుందో తెలీదే…
మెరిసే కళలు తడిసాయి ఎందుకో విరిసే లోపుగా
ఎగసే అలలు విరిగాయి దేనికో తలవని తలపుగా
స్వరంలో ఆగిందే కేరింత
కన్నీరే ఓదార్పు ఎంతో కొంత
చందమామ అందలేదని
తగని దిగులు చెందగలమా
వెన్నెలుంది చాలులెమ్మని
వెలుగు పడిన కలగా పయనించలేమా
బంధమెంత బలమైనా
బాధలేని సమయానా
దాని విలువ తెలిసేనా… హ..
చిగురు వగరు వివరాలు సులువుగా తెలియని వయసులో
పగలు రేయి తేడాలు పోల్చని మసకల మలుపులో
స్వరంలో ఆగిందే కేరింత
కన్నీరే ఓదార్పు ఎంతో కొంత
ముందుగానే తెలియదుగా
అసలు సిసలు బ్రతుకు నడక
సమయము కదలదుగా
అప్పుడో ఇప్పుడో కలత కనుపాపనంటకా
అనుభవాలు ప్రతిపాఠం
జరిగినాకే కనుగొంటాం
సరే కానీ అనుకుంటాం.. హా..
ఎటుగా వెళితే ఎం దొరుకుతుందని తెలుపని జీవితం
తనతో పాటు తలవంచి కదిలితే పంచదా అమృతం
స్వరంలో ఆగిందే కేరింత
కన్నీరే ఓదార్పు ఎంతో కొంత
__________________
Song Credits:
పాట పేరు: ఏ కదా (Ye Kadha)
నిర్మాత: దిల్ రాజు (Dil Raju)
దర్శకుడు: సాయికిరణ్ అడివి (Saikiran Adivi)
నటీనటులు: సుమంత్ అశ్విన్ (Sumanth Aswin), శ్రీ దివ్య (Sri Divya)
సంగీతం: మిక్కీ.జె.మేయర్ (Mickey.J.Meyer)
సాహిత్యం: రామజోగయ్య శాస్త్రి (Ramajogayya Sastry)
గాయని: జోనితా గాంధీ (Jonita Gandhi)
మరిన్ని ఇటువంటి లిరిక్స్ కోసం తెలుగు రీడర్స్ లిరిక్స్ ను చూడండి.
