నేను తానని అనుకుంటారా నేనే తానని అనుకోరా
ఇద్దరిగా కనిపించడమే మా తప్పంటారా
ఆడ మగ అని తేడా ఉందని అభిమానానికి చెబుతారా
స్నేహం మొహం రెండు వేరని తెలిసి తప్పుకుపోతారా
హోం హోం
ఒక చోటే ఉంటూ ఒకటే కల కంటూ
విడి విడిగా కలిసే వుండే కళ్ళది ఏ బంధం
కలకాలం వెంటే నడవాలనుకుంటే
కాళ్లకు ఓ ముడి ఉండాలని ఎందుకు ఈ పంతం
చుట్టరికముందా చెట్టుతో పిట్టకేదో
ఏంలేకపోతే గూడు కడితే నేరమా
ఏ చెలిమి లేదా గట్టుతో ఎటి కేదో
వివరించమంటే సాధ్యమా
నేను తానని అనుకుంటారా నేనే తానని అనుకోరా
ఇద్దరిగా కనిపించడమే మా తప్పంటారా
ఆడ మగ అని తేడా ఉందని అభిమానానికి చెబుతారా
స్నేహం మొహం రెండు వేరని తెలిసి తప్పుకుపోతారా
కనులకు కనిపించే రూపం లేకుంటే
ప్రాణం తానున్నానన్నా నమ్మం అంటారా
చెవులకు వినిపించే సవ్వడి చేయందే
గుండెల్లో కదిలే నాదం లేదని అంటారా
మదిలోని భావం మాటలో చెప్పకుంటే
అటువంటి మౌనం తగనిదంటూ అర్థమా
తీరాన్ని నిత్యం ఆలా అలా తాకుతుంటే
నిలిపే నిషేధం న్యాయమా
నేను తానని అనుకుంటారా నేనే తానని అనుకోరా
ఇద్దరిగా కనిపించడమే మా తప్పంటారా
ఆడ మగ అని తేడా ఉందని అభిమానానికి చెబుతారా
స్నేహం మొహం రెండు వేరని తెలిసి తప్పుకుపోతారా
హోం హోం
పాట: నేను తానని
గీతరచయిత: సిరివెన్నెల సీతారామశాస్త్రి
గాయకులు: రంజిత్
సినిమా: ఓ మై ఫ్రెండ్
తారాగణం: హన్సిక, నవదీప్, శృతి హాసన్, సిద్ధార్థ్
సంగీత దర్శకుడు: రాహుల్ రాజ్
మరిన్ని పాటల కోసంతెలుగు రీడర్స్ను సందర్శించండి.
