IPL 2025లో కొత్తగా పరిచయం అయిన చంపక్ అనే రోబోట్ డాగ్ ఇప్పుడు అందరి దృష్టిని ఆకర్షిస్తోంది. ఇది క్రికెట్ మ్యాచ్ల సమయంలో మైదానంలో తిరుగుతూ ప్రత్యేకమైన ఫుటేజీ అందిస్తోంది. టీవీలో మ్యాచ్ చూస్తున్నవాళ్లకి మైదానంలో ఉన్నట్టు ఫీలింగ్ వచ్చేలా చేస్తున్నదంటే ఎంత ప్రత్యేకమైందో కదా!
చంపక్లో ఉన్న ప్రత్యేకతలు ఏమిటంటే…
- అద్భుత కెమెరా: ఇది తలపై ఉన్న కెమెరాలతో మ్యాచ్ని వెరైటీ కోణాల్లో చూపిస్తుంది. డాగ్ ఐ వ్యూ అంటే కుక్క కంటి నుండి చూస్తున్నట్టు భావం వచ్చేలా ఉంటుంది.
- నడవడం, పరుగెత్తడం, జంప్ చేయడం కూడా వచ్చు!
సాదారణ కెమెరాలు అందుకోలేని కోణాల నుంచి వీడియోలు తీయగలదు. ఓ రకంగా చూస్తే ఇది గ్రౌండ్ మీద తిరిగే కెమెరా మిత్రుడిలా ఉంది. - AI టెక్నాలజీ: చంపక్ వాయిస్ కమాండ్స్ వినగలదు. అంటే, మాట్లాడితే అర్థం చేసుకొని పనిచేస్తుంది. ప్రొడక్షన్ టీమ్ దాన్ని ఎలా కావాలంటే అలా నియంత్రించగలదు.
- సోషల్ మీడియాకూ కలిపారు: ఈ రోబోట్ తీయబడిన ఫోటోలు, వీడియోలు నేరుగా సోషల్ మీడియాలోకి పోస్ట్ చేయగలదు. ఇన్స్టాగ్రామ్లో ఇది స్టారే అని చెప్పొచ్చు!
పేరు ఎలా వచ్చిందంటే…
IPL నిర్వాహకులు మొదట ఈ రోబోట్కి పేరు పెట్టాలంటూ అభిమానుల్ని అడిగారు. ఎన్నో పేర్ల మధ్య “చంపక్” అనే పేరు ఎక్కువ ఓట్లు పొంది విజేత అయింది.
ఈ పేరు “తారక్ మెహతా కా ఊల్టా చష్మా” టీవీ షోలోని చంపకలాల్ గడా అనే క్యారెక్టర్ వల్ల స్పెషల్ అట్రాక్షన్ తెచ్చుకుంది.
క్రీడాకారుల, అభిమానులతో సరదాగా ఆడుతుందీ చంపక్!
మ్యాచ్ల ముందు, టాస్ సమయంలో, ఆటగాళ్లతో చిన్న హల్లో మాట్లాడుతూ, నొక్కుతూ సరదాగా కలిసిపోతుంది. ఒకసారి ముంబై ఇండియన్స్ యజమాని ఆకాష్ అంబానీ దగ్గరకు వెళ్లి, ఆయన్నే ఆశ్చర్యపరిచింది. చిన్న బుల్లి కుక్కలా కనిపించినా, టెక్నాలజీలో పెద్ద పండు లాంటిది.
ఇంకా ఏమేం చేయగలదు?
- 14 కిలోల వరకు బరువు మోయగలదు
- ముందు కాళ్లతో హార్ట్ ఆకారం గీయగలదు
- ఆటగాళ్లకు డ్రింక్స్ తెచ్చిపెట్టగలదు
- ఆట మధ్యలో చిన్న ఎంటర్టైన్మెంట్ ఇవ్వగలదు
- పడిపోయినా తానే లేచి మళ్లీ నడవగలదు
- ఆటోమేటిక్గా ఛార్జ్ అయిపోతుంది
మొత్తంగా చూస్తే…
చంపక్ అనే ఈ రోబోట్ డాగ్ ఐపీఎల్లో ఓ సరికొత్త మోడల్, వినోదం రెండూ కలిపిన కొత్త చైతన్యాన్ని తీసుకొచ్చింది. ఈ రోబోట్ను చూసి పిల్లలకే కాదు, పెద్దలకూ ఆశ్చర్యమే. ఇదే భవిష్యత్తు టెక్నాలజీతో క్రీడా వినోదం ఎలా ఉండబోతుందో చూపిస్తోంది.
మరిన్ని ఇటువంటి వాటి కోసం తెలుగు రీడర్స్ టెక్నాలజీ ను చూడండి.
