అరెరే పసి మనసా చేజారే వరసా
చెబితే వినవటె వయసా
మరుపే మొదటి దశ అటుపై దాని దిశ
తెలపదు చిలిపి తమాషా
తననొదిలి ఎటువైపు కను కదలని చూపు
నిను మరచిన తలపు వినదిక నీ పిలుపు
ఊహ విహారమా సాగే సరాగమా
సరదా తగదు సుమ సుతారమా
పాపా జాగ్రత్తే పరాకుల్లో పడతావే
పాపా జాగ్రత్తే పరాకుల్లో పడతావే
చూస్తూ చూస్తూనే సుడిలో దిగిపోతావే
అరెరే పసి మనసా చేజారే వరసా
చెబితే వినవటె వయసా
మరుపే మొదటి దశ అటుపై దాని దిశ
తెలుపదు చిలిపి తమాషా
అవునా ఇతనేనా ఇన్నాళ్ళు ఎదురున్నది కదా మరి
అయినా ఇంతకుముందు ఏనాడు పరిచయమైనా లేనట్టుంది
ఎపుడు ఇలాంటి ఓ మలుపు ఈ ప్రయాణంలో కనిపించిందా
వయసుకు ఇదే మేలుకొలుపు ఈ ముహుర్తంలో అనిపించిందా
కదిలే ఒకో క్షణం నడిపే మనోరధం
తెలిపే కథా క్రమం ఏం చెబుతాం
పాపా జాగ్రత్తే పరాకుల్లో పడతావే
వద్దొద్దంటునే పరాకుల్లో పడుతున్నా
పాపా జాగ్రత్తే పరాకుల్లో పడతావే
చూస్తూ చూస్తూనే సుడిలో దిగిపోతావే
అబలా ఏమైపొతున్నవే సుడిగాలిలో చిగురాకులా
నువ్వలా ఎప్పుడు గుర్తిస్తావే తరిమేదెవరో నిలిపేదెపుడో
నీలో ఇదే కధ మొదలు ఈ నిషాలయలు గమనించా వా
లోలో అదోలాంటి గుబులు ఎందుకో అసలు కనిపెట్టవా
ఏదో అయోమయం అయినా మహా ప్రియం
దాన్నే కదా మనం ప్రేమంటాం
చిత్రం: కృష్ణం వందే జగద్గురుమ్
దర్శకత్వం: క్రిష్ జాగర్లమూడి
సంగీతం: మణిశర్మ
గాయకులూ: నరేంద్ర, శ్రావణ భార్గవి
నటులు: రానా, నయనతార, పోసాని కృష్ణ మురళి, మురళి శర్మ తదితరులు.
మరిన్ని వాటి కోసం తెలుగు రీడర్స్ లిరిక్స్ ను సందర్శించండి.
