ఎవరో చూడాలి అని నాట్యమాడదే నెమలి
ఎటుగా సాగాలి అని యేరు ఎవరినడగాలి
కో అంటూ కబురు పెడితే రగిలే కొండా గాలి
వు అంటూ తరలి రాదా నింగే పొంగి పొరలి
ఎవరో చూడాలి అని నాట్యమాడదే నెమలి
ఎటుగా సాగాలి అని యేరు ఎవరినడగాలి
హోఓ
తనలో చినుకే బరువై కరి మబ్బే వదిలినా
చెరలో కునుకే కరువై కల వరమే తరిమినా
వనమే నన్ను తన వొడిలో అమ్మయి పొదువుకున్నదని
పసిపాపల్లె కొమ్మలలో ఉయ్యాలూపుతున్నదని
నెమ్మదిగా నా మది కి నమ్మకమందించేదెవరో
ఎవరో
ఎవరో చూడాలి అని నాట్యమాడదే నెమలి
ఎటుగా సాగాలి అని యేరు ఎవరినడగాలి
హోం వరసై కలిపే చనువై నను తడిమే పూలతో
కనులే తుడిచే చెలిమై తల నిమిరే జాలితో
ఎపుడో కన్నా తీపి కల ఎదురవుతుంటే దీపికల
శిలలో వున్నా శిల్ప కళా నడకే నేర్చుకున్నదిలా
దుందుడుకో ముందడుగో సంగతి అడిగే వారెవరో
ఎవరో
పాట పేరు: ఎవరో చూడాలి (Evaro Choodali)
సినిమా పేరు: పౌర్ణమి (Pournamy)
గానం: కె. ఎస్. చిత్ర (K. S. Chithra), సాగర్ (Sagar)
సాహిత్యం: సిరివెన్నెల సీతారామశాస్త్రి (Sirivennela Sitaramasastri)
సంగీతం: దేవి శ్రీ ప్రసాద్ (Devi Sri Prasad)
రచయిత & దర్శకుడు: ప్రభు దేవా (Prabhu Deva)
తారాగణం: ప్రభాస్ (Prabhas), త్రిష (Trisha), చార్మి (Charmi) తదితరులు
ఇలాంటి మరిన్ని వాటికోసం చూడండి, తెలుగురీడర్స్
