తమిళనాడు నీలగిరి జిల్లాలోని పిక్కపాటి సమీపంలోని గిరిజన గ్రామాలను ఆనుకుని ఉన్న కొండలపై నీలకురింజి పూలు విరగబూశాయి. ఈ అందమైన దృశ్యాన్ని చూసేందుకు పర్యాటకులు తరలివస్తున్నారు. ఈ నీలకురింజి పూలు నీలం రంగులో ఉంటాయి, మరియు ఈ అరుదైన పూల నుంచి సేకరించే తేనేను వ్యాపారులు “ద్రవ బంగారం”గా భావిస్తారు.
12 ఏళ్ల తర్వాత పక్క పాడు గ్రామం కొండపైన విరబూసిన “నీలకురింజి” పుష్పాలు ప్రకృతి అందాల రహస్యాన్ని మరల తెరపైకి తీసుకొచ్చాయి. ఈ నీలకురింజి పూలు ప్రత్యేకత ఏమిటంటే, అవి చాలా అరుదుగా మాత్రమే వికసిస్తాయి. 12 సంవత్సరాలకు ఒకసారి మాత్రమే ఇవి పుష్పించటం జరుగుతుంది. ఈ పూల రంగు నీలం కలిగినట్లు ఉంటుందని, వాటి అందం చూసేందుకు ఎంతో ప్రత్యేకంగా ఉంటుంది. కొండ ప్రాంతాల్లో పుష్పించినప్పుడు ఆ ప్రదేశం ఒక అందమైన నీలి రంగు పచ్చిక బయలుగా మారుతుంది. ఆ పూలు పోయిన తర్వాత ఆ మొక్క పూర్తిగా ఎండిపోతుంది. ఆ మొక్క నుంచి రాలిన విత్తనాల నుంచి మళ్లీ కొత్త మొక్కలు పెరుగుతాయి. ప్రపంచవ్యాప్తంగా 240 రకాల కురింజి మొక్కలు ఉన్నాయని మరియు వాటిలో 46 జాతులు భారతదేశంలో ఉన్నాయి. ఈ ప్రత్యేకమైన పూలను చూసేందుకు ప్రజలు తరలివస్తున్నారు, మరియు ఇది ప్రకృతి ప్రేమికులకు ఒక అద్భుతమైన అనుభవం అందిస్తోంది.
ఇలాంటి మరిన్ని వాటి కోసంతెలుగు రీడర్స్ వ్యవసాయంను సంప్రదించండి.
